Kurs i paragliding, gratis prøvedag i småbakke!

Volda/Ørsta Himmelseglarlag arrangerer kurs i paragliding. Oppstart laurdag 20 oktober. For informasjon eller påmelding, ta kontakt på mob: 990 43 911 eller send mail til: roy@mulvik.no.

KURSET
Kurs i paragliding består av seks dagar teori og seks dagar praksis. Det er veldig viktig å kunne teori for å kunne utøve sporten sikkert. Teoridelen består av seks hovudemner, aerodynamikk, meteorologi, materialkunnskap, praktisk flyging, lover og reglar samt førstehjelp. Kursavgift 6500.- inkluderer nødvendig utstyr (paraglider med seletøy og hjelm) som du treng under kurset og i tillegg lærebøker, forsikring og medlemskap.

I løpet av kurset skal du lære å starte, flyge og lande på ein sikker måte. Vi startar i ei slakk skråning der du vil få 1-2 meter høgde (sjå bilde under) og avsluttar med minimum 10 høgdeturar.

ER PARAGLIDING TRYGT? Tryggleiken kjem først og fremst an på den enkelte pilot si vurdering og innstilling. Heilt grunnleggande for tryggleiken er piloten sitt luftvett (tilsvarar sjøvett og fjellvett). Dersom du er villig til å lære paragliding gradvis, samtidig som du ser dine og utstyret sine begrensingar, er paragliding ein trygg og god rekreasjonssport. VELKOMEN